රතුපස්වල ඝාතකයින් මාස 3 ක් ඇතුලත අල්ලනවා
බීමට පිරිසිදු ජලය ඉල්ලා වැලිවේරිය ඇතුළු ගම්මාන කීපයක ජනතාව එක් වී කළ උද්ඝෝෂණයේදී තිදෙනකු මරා දමා තිස්එක් දෙනකුට තුවාල සිදු කළ හමුදා පිරිසට කුලී හමුදාවක් ද සම්බන්ධ බවට තොරතුරු ලැබී ඇතැයි උද්ඝෝෂකයෝ පවසති.
පසුගිය වකවානුවේදී ධනවතුන් විසින් මුදල් ගෙවා සිය ව්‍යාපාරික අවශ්‍යතා සපුරා ගනු ලැබීම සඳහා ඉහත කී කුලී හමුදාව යොදා ගෙන ඇති බවයි සියනෑ ජලය සුරැකීමේ ජන නැගුම සංවිධානයේ කැඳවුම්කරු ප‍්‍රමිත හෙට්ටිආරච්චි කියා සිටියේ.
මාස තුනක් ඇතුළත වැලිවේරියේ ජනතාවට විසඳුම් ලබා දෙන බවට මේ අතර අමාත්‍ය කරු ජයසූරිය සමග එම ස්ථානයට පැමිණි ජෝන් අමරතුංග අමාත්‍යවරයා පොරොන්දු විය.
පසුගිය රජය පානීය ජලය ලබා දෙන බව ප‍්‍රකාශ කරමින් මධ්‍ය සංදර්ශන පමණක් සිදු කළ බව එහිදී ජෝන් අමරතුංග අමාත්‍යවරයා වැඩිදුරටත් කියා සිටියේය.
