අදින් දින 100 ඉවරයි - රෑට ජනපති කථා කරයි
ඉකුත් ජනාධිපතිවරණයේදී විපක්ෂයේ පොදු අපේක්ෂක මෛත‍්‍රිපාල සිරිසේන මහතා මේ දින සියයක කඩිනම් වැඩසටහන මැතිවරණ පොරොන්දුවක් ලෙස ජනතාවට ඉදිරිපත් කරනු ලැබීය.
මෙම වැඩපිළිවෙල යටතේ ඇතැම් කාරණා සාර්ථකව අවසන්වූ නමුත් තවත් කාරණා රැසක් ඉටු කර නැතිව පවතී.
මෙම වැඩපිළිවෙල අවසන් කිරීම හා ඉදිරියේ ගන්නා ක‍්‍රියාමාර්ග පැහැදිලි කිරීමට අද (23දා) රාත‍්‍රි 9.00ට ජනාධිපති මෛත‍්‍රිපාල සිරිසේන මහතා සියලූම ශ‍්‍රව්‍ය දෘශ්‍ය මාධ්‍ය ඔස්සේ විශේෂ ප‍්‍රකාශයක් කිරීමට නියමිත බව ජනාධිපති මාධ්‍ය අංශය නිවේදනය කරයි.
වාර්තා වන අන්දමට ලබන සතියේ 19 වන හා 20 වන සංශෝධන යෝජනා පාර්ලිමේන්තුවේ විවාදයට ගැනීමෙන් පසු පාර්ලිමේන්තුව විසුරුවන්නට ජනපති තීරණය කර ඇත.
