මන්ත‍්‍රී විදුර වික‍්‍රමනායක මහ පාරේ උද්ඝෝෂණයක
ප‍්‍රදේශවාසීන් පිරිසක් එම විරෝධතාව සංවිධානය කර තිබුණේ පාදුක්ක - හොරණ මාර්ගයේ මෙතෙක් සම්පූර්ණ නොකරන ලද මාර්ගය යළි සකසා දෙන ලෙස බලකරමිනි.
මාර්ග සංවර්ධන අධිකාරිය මෑතකදී කාපට් අතුරා එම මාර්ගය සකස් කර ඇතත් එහි මීටර 300ක පමණ කොටසක් ඉතිරි වී තිබේ.
ප‍්‍රදේශවාසීන් පවසන්නේ අසළ පිහිටි ඉඩමේ හිමිකරු නිසා එම කොටස සකස් කිරීමට බාධා මතුව ඇති බවය.
ඔවුන්ගේ විරෝධතාවට පාර්ලිමේන්තු මන්ත‍්‍රී විදුර වික‍්‍රමනායක මහතා ද සහභාගි විය.
මාර්ග සංවර්ධන අධිකාරියේ නිලධාරිනියක් හා මාර්ගයේ ඉදිකිරීම් සිදුකරන කොන්ත‍්‍රාකරු එහි පැමිණීමත් සමග ඇතිවූයේ උණුසුම් තත්ත්වයකි.
