උසස්පෙළ සිසුවියගේ විහිළුවෙන් පස්සේ යකඩ කූර ඇනී සිසුවා රෝහලේ
නිට්ටඹුව, රන්පොකුණුගම මහා විද්‍යාලයේ උසස් පෙළ පන්තියක සිසුවියක් එම පන්තියේ සිසුවෙකුට විහිළු වැඩක් කරන්නට සිතා ඔහු සිටගත් අවස්ථාවක ඔහුගේ අසුන මත යකඩ කූරක්
ඔහුට හොරා තබාගෙන අල්ලාගෙන සිටි වෙලාවේ ඔහු නැවත වාඩිවෙද්දී එම කූර ඔහුගේ තට්ටම පසාරුකරගෙන ගොස් මෙම අනතුර සිදුව ඇත.
ලේපෙරාගෙන ඇදවැටුණ සිසුවා ගුරුවරුන් දෙදෙනෙකුගේ මැදිහත්වීමෙන් යකඩ කූර තිබියදීම
ත‍්‍රීරෝදරථයකින් රෝහල් ගත කළ අතර ඇනී තිබූ යකඩ කූර වතුපිටිවල රෝහලේදී සිදුකළ සුළු සැත්කමකින් පසු ඉවත් කර ඇත.
සිසුවා ඒ ආකාරයට රැගෙන ඒම ගැන වෛද්‍යවරු ප‍්‍රශංසා කර තිබුණා.
යකඩ කූර අ`ගල් 6 ක් පමණ සිරුර ඇතුළට අධෝමාර්ගය ආසන්නයට කිඳා බැස තිබුණ බවත් වෛද්‍යවරු පැවසුවා.
මෙලෙස අනතුරට ලක්වී ඇත්තේ රන්පොකුණුගම මහා විද්‍යාලයේ ඉගෙනුම ලබන පවිඳු මධුසර නමැති 18 හැවිරිදි සිසුවෙකි. ඔහු පාසලේ ගුරුවරියකගේ දරුවෙකු බවද පැවසේ.
මේ වනවිට රෝහලේ 7 වන වාට්ටුවේ ප‍්‍රතිකාර ලබන එම සිසුවාගේ තත්ත්වය බරපතල නොවන බව වාර්තා වුණා.
