චම්පික හා ගම්මන්පිල ඇමතිකම් වලින් ඉල්ලා අස්වෙති
එසේම බස්නාහිර පළාත් සභා අමාත්‍ය උදය ගම්මන්පිල මහතාද පළාත් කර්මාන්ත අමාත්‍ය ධූරයෙන් ඉවත්වන බව රණවක මහතා කියා සිටියේ කොළඹ ජාතික පුස්තකාල ශ‍්‍රවණාගාරයේ පැවති මාධ්‍ය හමුවකදීය.
ජාතික හෙළ උරුමයේ මධ්‍යම කාරක සභාව විසින් ගනු ලැබූ තීරණයකට
අනුව මෙම ඉල්ලා අස්වීම සිදුවන බව රණවක මහතා එහිදී සඳහන් කළේය.
එදා එල්.ටී.ටී.ඊ සංවිධානය විසින් ද්‍රවිඩ ජනතාව ප‍්‍රාණ ඇපයට තබාගෙන තමාගේ පටු බෙදුම්වාදී අදහස් මුදුන් පමුණුවා ගැනීමට නව නාසිවාදයක් ක‍්‍රියාත්මක කරන විට එකී ජනතාව බේරාගැනීමට මානුෂීය මෙහෙයුමක් දියත් කරන්නට සිදුවූ බව රණවක මහතා සිහිපත් කළේය.
එසේම අද වන විට ජනතාවගේ සාධාරණ සමාජීය බලාපොරොත්තු ඉතා සුළුතර කල්ලියක් විසින් අත්පත් කරගෙන සිටින බැවින් ජනතාව එයින් මුදවාගැනීමට තවත් මානුෂීය මෙහෙයුමක්/මෙහෙවරක් දියත් කිරීමට සිදුව ඇති බව හෙතෙම අවධාරණය කළේය.
තමන් පදිවි තානාන්තර වලින් ඉල්ලා අස්වනුයේ ජනතාව වෙනුවෙන් එකී මානුෂීය මෙහෙවරට උරදීමට බව ඔහු පෙන්වා දුන්නේය.
