අතුරුදන්වූ සුදු නයා ගෙනත් දාලා
ගේට්ටුව අසළට පෙට්ටියකින් සුදු නාගයා ගෙනවිත් ඇත්තේ කවුරුන්දැයි සොයාගෙන නැත.
සුදු නාගයා නැතිවීම ගැන ඊයේ ආන්දෝලනයක් ඇතිවූ අතර ඒ ගැන පරීක්ෂණ සිදු කරන්නට
පොලිසියද විමර්ශන අරඹා තිබිණි.
විමර්ශනවලට හසුවේ යයි බියෙන් එය ලබාගත් පුද්ගලයා මෙසේ ගෙනත් දමන්නට ඇතැයි සැකකෙරේ.
මේ සුදු නයා ප‍්‍රදර්ශන නාගයකු නොවූ අතර ඌ අතිරික්ත නාගයකු ලෙස ආවරණ ස්ථානයක ඉබියතුරු දමා ආරක්ෂාකාරීව වාසය කර තිබුණා.
සුදු නාගයා සිටි ස්ථානය දෙකට බෙදා අනෙක්පස වැලි පිඹුරකුද සිට ඇති අතර, මේ නාගයා සිටි ස්ථානයේ ඉබියතුරු විවර කර යළි වසා ඇති බවට සාක්ෂි ලැබුණා.
කිසිවකු විසින් මේ සුදු නයා සොරා ගන්නට ඇතැයි සැක මතු වීම නිසා එහි සත්ත්ව පාලක පොලිසියට පැමිණිලි කොට තිබුණා.
එම නාගයා අවසන් වරට පසුගිය 11 වැනි දින සවස 3ටද එහි සේවකයන් දැක තිබූ අතර, ඌ 14දා සවස 4.15ට අතරුදන් වී ඇති බව පරීක්ෂණවලදී හෙළි වුණා.
මෙසේ දැඩි රැුකවල් මත සිටින මේ සුදු නාගයා ආරක්ෂක අංශවලද ඇස් වසා සොරකම් කිරීම අසීරු කටයුත්තක් වූ බවද කියැවුණා.
මීට දින කිහිපයකට ඉහතදී සත්ත්ව රෝහලේ සේවය කරන නිලධාරියකු විසින් සුදු නාගයකු සොයා ගත හැකි නම් ඌ ලක්ෂ දහයකට පමණ විකුණා දිය හැකි බව උරග උයනේ සේවකයකුට පවසා තිබුණ බවද මේ අතර වාර්තාවී තිබුණා.
