මෙන්න කැබ් එක - අනුරට දැන් සනීපයි
අනුර කුමාර මන්ත‍්‍රීවරයා ගමන් කළ කැබ් රිය රත්නපුර කිරිඇල්ල ප‍්‍රදේශයේදී ටිපර් රථයක හැපී තිබුණා. එම අවස්ථාවේ රියදුරාට අමතරව දිසානායක මහතා සමග තවත් අයෙකු කැබ් රථයේ සිට ඇත.
අනුර කුමාර දිසානායක මහතාගේ පපුව ප‍්‍රදේශයේ තැල්මක් සිදුව ඇති අතර රියදුරුට තුවාල සිදුවී නැත. කැබ් රියේ ගමන් කළ අනෙක් තැනැත්තාගේ මුහුණට සුළු තුවාලයක් වී තිබේ.
අනුර කුමාර දිසානායක මහතා සහ අනෙක් පුද්ගලයා අනතුර වූ අවස්ථාවේදී රත්නපුර මහ රෝහලට ඇතුළත් කර ඇත. ඉන්පසුඅනුර කුමාර මහතා කොළඹ ජාතික රෝහල වෙත මාරු කිරීමට කටයුතු කළ රත්නපුර රෝහල් බලධාරීන් අනෙක් පුද්ගලයාට ප‍්‍රතිකාර ලබාදී පිටත්කර ඇත.
ටිපර් රථයේ ගැටීම නිසා අනුර කුමාර දිසානායක මහතා ගමන්කළ කැබ් රථයට දැඩි හානි සිදුව ඇත. රත්නපුර පොලිසිය මෙම අනතුර පිළිබඳ වැඩිදුර පරීක්ෂණ පවත්වයි.
