කළු වඳුරා සපා කෑ තර්ස්ටන් සිසුවා රෝහලට
විදුහලේ 6 ශ්‍රේණියේ ඉගෙනුම ලැබූ 11 හැවිරිදි මිහිර සංකල්ප නමැති මෙම සිසුවා උදෑසන හතට පමණ පන්තිය වෙත ගමන් කරද්දී පන්තිය අසළ තාප්පයක සිටි මෙම කළු වඳුරා එක්වරම සිසුවාගේ ඇගට පැන ඇත. පසුව සිසුවාගේ කකුළක් අල්ලාගත් ඌ කකුළ ලේ
පිටවනතුරු සපාකා ඇති අතර එය දුටු අනෙක් සිසුන් හා ගුරුවරුන් මැදිහත්වී වඳුරා එළවා දමා සිසුවාව බේරාගෙන රෝහල් ගත කරන්නට කටයුතු යොදා
තිබුණා.
ඔහු ඇතුළත් කළ රිජ්වේ ආර්යා ළමා රෝහලේ වෛද්‍යවරුන් පවසා ඇත්තේ සිසුවාගේ ඇතිවූ තුවාල වලට මැහුම් දමන්නට සිදුවූ බවයි.
සිසුවාගේ පියා සිද්ධිය ගැන පොලිස් පැමිණිල්ලක්ද ඉදිරිපත්කර තිබෙනවා.
මින් ඉහත අවස්ථා දෙකකදීත් මෙම වඳුරාගේ සපැකෑමට තර්ස්ටන් සිසුවෙකු හා රාජකීය විද්‍යාල සිසුවෙකු හසුව ඇති බවද වාර්තා වුණා. තර්ස්ටන් රාජකීය විදුහල් හා කොළඹ විශ්ව විද්‍යාලය අසළ විශාල ගස්වල සැරිසරමින් සිටින වඳුරු රංචු ගැන වරින්වර පැමිණිලි කරත් උන් අල්ලා වෙනත් තැනකට මුදාහැරීමට බලධාරීන් කටයුතු නොකරන බවද වරක් වනජීවී දෙපාර්තමේන්තුව ඒ ගැන උත්සාහයක නිරත වුවත් එය පලක්වී නැතැයිද වාර්තා වුණා.
