රෙබෙකා නිර්මලීට ඉක්මන් සුවය පතමු
ඇයට ඉක්මන් සුව ලැබීම ඔබ අප සැමගේ ප‍්‍රාර්ථනාවයි.
පසුගිය මාස දෙකක පමණ කාලයක සිට ඇය රෝහල්ගතව සිටින අතර ඇය වටා නිරන්තරයෙන්ම
එක්ව සිටින කලා හිතවතුන් හා පේ‍්‍රක්ෂකයින්ගේද ප‍්‍රාර්ථනාව ඇයට ඉක්මන් සුවය ලබන්නටය.
ඇය තනි නොකර රෝහලේ 14 වන වාට්ටුවේ ඇය අසළම සිටින්නේ ඇගේ දියණිය ඈන්ය.
පිළිකා රෝග සුව කරන්නියක ලෙස වෙදහාමිනේ ටෙලි නාට්‍යයෙන් පේ‍්‍රක්ෂක හදවත්
වැළඳගත් ඇය එම රෝගයටම ගොදුරුවීම එක් අතකින් දෛවෝපගතය.
අනුරාධපුරයෙන් කොළඹට පැමිණ ටෙලි ක්ෂේත‍්‍රයට එක්වූ රෙබෙකා මේ වනවිට ටෙලිනාට්‍ය 150 ක පමණ ර`ගපා ඇති අතර පසුගිය කාලයේ ටෙලි නාට්‍ය රාශියක මවගේ චරිතයට ඇය පණපොවමින් සිටියා. පසුගිය රයිගම් ටෙලි සම්මාන උළෙලේදී සම්මානයකින්ද ඇය පිදුම් ලැබුවාය.
ඉතාම කෙටි කාලයක් තුළ ඇගේ රෝග ලක්ෂණ ගැන දැනගන්නට ලැබී ඇයට රෝහල් ගතවන්නට සිදුවුණා.
වෛද්‍යවරුන්ගේ උත්සාහය ඇයට කිසියම් හෝ සහනයක් ඉක්මණින් ලබාදෙන්නටය. ඇයට ඉක්මන් සුවය කලාකාමී අපි සැම ප‍්‍රාර්ථනා කරමු.
