උපුල් ශාන්තගේ අපේ සිංහල පන්තියට රනිල් ගිහින්
එළැඹෙන උසස් පෙළ විභාගයට පෙනී සිටින දරුදැරියන්ට අවසන් දේශනය පැවැත්වීමෙන් පසු සමුගැනීමේ සාදයක් සංවිධානය කර තිබුණ අවස්ථාවක ‘ඔබට සුබ පැතීම සඳහා මේ
වෙලාවේ විශේෂ කෙනෙක් ඇවිත් ඉන්නවා. ඒ තමයි විපක්ෂ නායක රනිල් වික‍්‍රමසිංහ’ යනුවෙන් හඳුන්වා තිබුණා.
ඒ සමගම රනිල් වික‍්‍රමසිංහ පන්තිය ඇතුළට ගිය අතර සිසු දරුදැරියන් උණුසුම් ආකාරයට ඔහුව පිළිගත්තා.
සමහරු රනිල්ගේ සමරු සටහන් ලබාගැනීමට ඔවුන් අත තිබුණ පොත් දිගු කළා.
සමහරුන් අත්වල බැඳ තිබුණ කොළ පැහැති රිබන් පටි රනිල්ගේ අතේ බඳින්නටද ක‍්‍රියා කළා.
ලංකාවේ විශාලතම පිරිසක් සහභාගීවන ටියුෂන් පන්තියක් ලෙස නම් දැරූ අපේ සිංහල පන්තිය පවත්වනු ලබන උපුල් ශාන්ත සන්නස්ගල ගීත රචකයෙකු හා සිනමා නිර්මාණකරුවෙක ලෙසද ප‍්‍රකටය.
පසුගිය සබරගමු පළාත්සභා මැතිවරණයේදී මහඇමති අපේක්ෂකයා ලෙස එජාපයෙන් ඔහුව නම් කර තිබී කිසියම් හේතුවක් නිසා පසුව ඔහු ඉන් ඉවත්විය.
