ඉදිරියට ජාත්‍යන්තර පාසල් පවත්වා යාහැක්කේ ප‍්‍රමිති බලපත‍්‍රයට අනුමැතිය ලැබුණොත්
ජාත්‍යන්තර පාසල් අධික්ෂණය හා නියාමනය කිරීමට මේවන විට කමිටුවක් පත් කර ඇත.
ඒ අනුව ජාත්‍යන්තර පාසල් ව්‍යාපාරයක් වශයෙන් හෝ ලාභය පෙරදැඩිව කටයුතු කිරීමට කිසිදු අවස්ථාවක ඉඩ ලබා නොදෙන බව ද අමාත්‍යවරයා කියා සිටියේය.
එම පාසල්වල උගන්වනු ලබන ගුරුවරුන්ගේ සුදුසුකම්, පුස්තකාල පහසුකම්, ක‍්‍රිඩා පිටි, පන්ති කාමර සංඛ්‍යාව සහ එම පන්ති කාමරයක සිටිය යුතු සිසුන් ගණන ද සොයා බැලීමක් අදාළ කමිටුව මගීන් සිදු කරනු ලැබේ.
මෙම නව වැඩපිළිවෙල අනුව ජාත්‍යන්තර පාසල් වසරක් පාසා අධ්‍යාපන අමාත්‍යාංශයෙන් ප‍්‍රමිතිය පිලිබඳ සැහීමට පත්වීමේ බලපත‍්‍රයක් ලබාගතයුතු වේ. ඒ අනුව දැනට පවතින ජාත්‍යන්තර පාසල්වල ඇති අඩුපාඩුකම් සදාගැනීමට කාලයක් ලබාදීමට තීරණය කර ඇත.
ඉන්දියාවේ සහ වෙනත් රටවල්වල ක‍්‍රියාත්මකවන ආකාරයට ජාත්‍යන්තර පාසල්වලට යම් ප‍්‍රතිශතයකින් හෝ ශිෂ්‍යත්ව ලබාදීමටත්, නොමිලේ අධ්‍යාපනය ලබාදීමටත් තීරණය කර ඇති බව ද අකිල විරාජ් කාරියවසම් අමාත්‍යවරයා තවදුරටත් සඳහන් කරන ලදි.
