පෙම්වතිය වැරදීමකින් මැරූ පැරාලිම්පික් ශූරයා සිරගෙට
පැරාලිම්පික් රන් පදක්කම්ලාභී දකුණු අප‍්‍රිකානු මලල ක‍්‍රීඩක ඔස්කා පිස්ටෝරියස්
අවි ආයුධ වැරදි ලෙස භාවිත කර අත්වැරදීමකින් මනුෂ්‍ය ඝාතනයක් කළ බව අධිකරණයේ ඉදිරිපත්වූ සාක්ෂි අනුව තහවුරු කර තිබේ.
ප‍්‍රිටෝරියා අධිකරණයේදී මෙම නඩුව විභාගයට ගැනුණා.
සාක්ෂි අනුව ඔස්කා පිස්ටෝරියස් සිය පෙම්වතිය වූ රීවා ස්ටීන්කෑම්ප් හිතාමතා වෙඩිතබා ඝාතනය කළ බව ඔප්පු නොවූ බව ද එහිදී ප‍්‍රකාශයට පත් විය.
කෙසේ වෙතත්, අවි ආයුධ භාවිතයේදී නොසැලකිලිමත් ලෙස ක‍්‍රියා කර ඇති නිසා ඔහුව පස් අවුරුදු සිරදඬුවමකට යටත් වුණා.
1986 උපන් ඔස්කා පිස්ටෝරියස් දකුණු අප‍්‍රිකානු කෙටි දුර ධාවකයෙකි. ඔහු මාස 11 වන විට, ඔහුගේ පාද දෙකම, දණහිසෙන් පහළ අංගෙඡ්දනය කර ඇති බව කියැවුණා.
ඔහුගේ දක්ෂතාවන් මත පැරාඔලිම්පියානු ශූරයෙක් වූ අතර ඔහුගේ කෘත‍්‍රිම ගාත‍්‍ර විසින් අයුතු වාසියක් ලබා ගෙන ඇතැයි කලක් විවේචනද තිබුණා.
2011 ලෝක මලල ක‍්‍රීඩා ශූරතාවලියේදී, ලෝක ජවන පදක්කමක් දිනාගත් පළමු අංගෙඡ්දිතයා වීමට පිස්ටෝරියස් සමත් වූයේය.
ඔස්කා පිස්ටෝරියස් ඔහුගේ පෙම්වතිය සමග අවියක් අතැතිව කථාබහක නිරතව සිටියදී එම අවිය පත්තුවීමෙන් අවාසනාවන්ත ලෙස පෙම්වතිය මරු වැළඳගත්තාය.
මනුෂ්‍ය ඝාතනයක් කළ බවට අධිකරණයේදී ඔප්පු නොවූ නමුත් ඔස්කාගේ ජීවිතය වෙනස් කළ මෙම සිද්ධිය මහත් කම්පනයක් ඇති කරවූවකි.
