අලූත් ගොඩනැගිල්ලේ සෝපානය කඩා වැටී ව්‍යාපාරිකයා මරුට
බළන්ගොඩ නගරයේ ගොඩනැගිල්ලක් තුළදී සිදුවූ අනතුරින් පසු රත්නපුර මහ රෝහලට ඇතුළත් කරන ලද ව්‍යාපාරිකයා ඊයේ (20) අලූයම මියගොස් තිබේ.
මෙම සෝපානය කඩා වැටීමෙන් ව්‍යාපාරිකයාගේ පුතකු සහ සහෝදරයකු සුළු තුවාල ලබා තිබිණි.
අසාධ්‍ය තත්ත්වයෙන් සිටි ව්‍යාපාරිකයා බළන්ගොඩ මූලික රෝහලෙන් රත්නපුර මහ රෝහලට මාරුකර සිටියදී මියගොස් ඇත.
මෙලෙස මියගොස් ඇත්තේ බළන්ගොඩ ඇල්ලේපොළ පදිංචි පත්මසිරි අඹන්ගඟවත්ත ජයමිණි නම් 48 හැවිරිදි දෙදරු පියෙකි.
ඉකුත් 19දා රාත‍්‍රී 11.30ට පමණ අනතුර සිදුවී තිබේ. රත්නපුර නාගරික වැඩබලන හදිසි මරණ පරීක්ෂක ලක්මිණ තෙන්නකෝන් මහතා විසින් හදිසි මරණ පරීක්ෂණය සිදු කළේය.
සමරවීර නිරෝෂණ-පැල්මඬුල්ල
