දුරකථන අංකය දීලා මවටයි දුවටයි තෙදිනක් අතවර කරලා

මානසික රෝගියකු වන තම මෑණියන් සමඟ බෙහෙත් ගැනීමට රාගම රෝහලට පැමිණි අවුරුදු 15 ක් වයසැති දියණිය තම නිවසට කැඳවා ගෙන ගොස් දින 3 ක් තිස්සේ ලිංගික අතවර කළ හමුදාවෙන් පලා ආ සෙබළකු කඩවත පොලිසිය මගින් අත්අඩංගුවට ගෙන තිබේ.

දන් ඕවිට ප‍්‍රදේශයේ පදිංචි මව හා දියණිය බෙහෙත් ගැනීමට රාගම රෝහලට 21 දා පැමිණි අවස්ථාවේ ඔවුන් හා පැවැති කතා බහෙන් පසු මවගේ දුරකථන අංකය ලබා ගත් සොල්දාදුවා එම අංකයට කතා කිරීමෙන් සම්බන්ධය ඇති කර ගෙන තිබේ.

වරකාපොල ඇති තමන්ගේ නිවසට ඔවුන් දෙදෙනා කැඳවා ගත් සැකකරු දින 3 ක් තිස්සේ ඔවුන් දෙදෙනාටම ලිංගික අතවර කර තිබේ.

විවාහක පුද්ගලයකු වන සැකකරු කටුගස්තොට ප‍්‍රදේශයේ පදිංචිකරුවෙකි. ඔහු බිරිඳගෙන් වෙන්ව තනිකඩ ජීවිතයක් ගෙවන දෙදරු පියෙකි. සැකකරු මවට හා දියණියට කරන ලද ලිංගික අතවර සම්බන්ධව අත් අඩංගුවට ගෙන තිබේ. මෑණියන්ගේ වයස අවුරුදු 37 ක් වන අතර දියණිය අවුරුදු 15 මාස 7 කි.

සැකකරු අත්අඩංගුවට ගෙන පරීක්ෂණ පැවැත්වීමෙන් පසු මහර මහෙස්ත‍්‍රාත් අධිකරණයට ඉදිරිපත් කරන ලදුව ඔක්තෝබර් 29 දා දක්වා රක්ෂිත බන්ධනාගාර ගත කෙරිණි. දියණිය වෛද්‍ය පරීක්ෂණය සඳහා රෝහල් ගත කර ඇත.

කඩවත පොලිස් ස්ථානාධිපති ප‍්‍ර. පො. ප. පෙරුමාල් පද්මනාදන් මහතාගේ උපදෙස් මත අපරාධ විමර්ශන අංශයේ ස්ථානාධිපති පො. ප. ගැමුණු ගුණරත්නණී ළමා හා කාන්තා අංශයේ ස්ථානාධිපති ඉරේෂාණී පො. කො. 73122 බණ්ඩාරණී පො. කො. 61881 ජගත් යන නිලධාරීහු පරීක්ෂණ පැවැත්වූහ.


කඩවත - කරුණාදාස ජයකොඩි ආරච්චි

Popular posts from this blog

ලොව දක්ෂතම ඉංග‍්‍රීසි කථිකයාට සම්මාන දිනූ ලාංකිකයා කතාකරන හැටි (වීඩියෝ)

චන්ද්‍රිකා පහුවෙලා වැඩ කරනවා බලන් ඉන්න බැරිම තැන එයාගේ අත් ඔරලෝසුවේ කටුව මිනිත්තු 10ක් ආපස්සට කැරකුවා ඉස්සර මං නදීකාටත් ට‍්‍රයි කළා - සනත් ගුණතිලක

මිලියන 400 කට මන්දිරය වික්ක බවට සැකයක්