බොදු බල සේනාවෙන් මං ඉවත්වෙන් නෑ -කිරම විමලජෝති හිමි

බොදුබල සේනා සංවිධානය විසින් සිදු කරන සියලූම ක‍්‍රියාවන් අනුමත නොකළත් තමන් එම සංවිධානයෙන් ඉවත්වීමට කිසිදු තීරණයක් ගෙන නොමැති බව එහි ප‍්‍රධානී කිරම විමලජෝති හිමියෝ පැවසූහ.

තමන්වහන්සේගේ පෞද්ගලික වැඩකටයුතු රාශියක් තිබුණු බැවින් පසුගිය මාස කිහිපය තුළ බොදුබල සේනා සංවිධානයේ වැඩකටයුතු සඳහා සහභාගි වීමට නොහැකි වූ බව ද උන්වහන්සේ පැවසූහ.

අලූත්ගම හා බේරුවල ගැටුමක් පවතින අවස්ථාවේ එහි රැුලියක් පැවැත්වීම අනුමත නොකළත් බොදුබල සේනා සංවිධානයේ ඉදිරි වැඩකටයුතුවලින් ඉවත්වීමට තමන් තීරණය කොට නැතිබව උන්වහන්සේ අවධාරණය කළහ.

ඇතැම් මාධ්‍ය හරහා තමන් වහන්සේ සඳහන් නොකළ කරුණු ඉදිරිපත් කොට අනවශ්‍ය ගැටුමක් නිර්මාණය කරන්නට උත්සාහ දරන බව ද විමලජෝති හිමියෝ පැවසූහ.

ශකිලා රාජපක්ෂ