ෆේස් බුක් නැවතූ මිනි.30 පාඩුව කෝටි හයහමාරයි
මින් පෙර ෆේස් බුක් වසර 4 කට පමණ පෙරත් මේ ආකාරයට ඇණ හිටි නමුත් මේ තරම් වෙලාවක් එය නතරවූ පළමු අවස්ථාව මෙය වන බවද
කියැවෙනවා.
2013 ඔක්තෝබරයේ නෙට්වර්ක් සැකැස්මක් සඳහා පැය 4 ක් ෆේස් බුක් නතර කර තැබූ නමුත් ඒ කල් ඇතිව දැන්වීමෙන් පසුය.
ෆේස් බුක් නොමැති වූ අවස්ථාවේ ට්විටර් ඇතුළු අනෙක් සමාජ ජාලත් ප‍්‍රවෘත්ති වෙබ් අඩවිත් වෙනදාට වැඩි පාඨක පිරිසකගෙන් පිරී ඉතිරී ගිය අතර මෙයට හේතුවූයේ ෆේස් බුක්ට මොකක් වූවාදැයි දැනගැනීමට පාඨකයින් තුළ ඇතිවූ සැකයයි.
මේ අතර ෆේස් බුක් ඉංජිනේරු කන්ඩායම අද සිද්ධවූ සිද්ධිය ඔවුනගේ කාර්මික දෝෂයක් සකසන්නට ගිය අවස්ථාවක සිදුවූ අතුරු ඵලයක් ලෙස වාර්තා කර තිබෙනවා.
මිනිත්තු තිහක කාලය තුළ ෆේස් බුක් නතරවීමෙන් එම ආයතනය ලබා ඇති පාඩුව ඩොලර් ලක්ෂ 5 ක් පමණ වන බව ගණන් බලා ඇති අතර එය රුපියල් කෝටි හයහමාරක පමණ මුදලකි.
